جوزپ بورل: غزہ دنیا کا سب سے بڑا قبرستان بن گیا ہے

جوزپ بورل نے پیر کے روز یورپی یونین کے وزرائے خارجہ کی کونسل کے اجلاس کے موقع پر برسلز میں صحافیوں سے گفتگو کرتے ہوئے کہا کہ جنگ سے پہلے غزہ سب سے بڑی کھلی جیل تھی اور اب یہ سب سے بڑا کھلا قبرستان ہے۔ اس علاقے میں دسیوں ہزار فلسطینی اور بہت سے بین الاقوامی انسانی قوانین دفن ہیں۔

فلسطینی وزارت صحت کے تازہ ترین بیان کے مطابق 7 اکتوبر 2023 سے غزہ کی پٹی پر صیہونی حکومت کی جارحیت کے آغاز سے اب تک غزہ کی پٹی میں شہداء کی تعداد 31 ہزار 726 تک پہنچ گئی ہے اوراس دوران 73,792 افراد زخمی ہوئے ہیں۔